Регулаторната комисија за енергетика денеска ги утврди новите цени на горивата.
Малопродажните цени на бензините ЕУРОСУПЕР БС-95 и ЕУРОСУПЕР БС-98, се намалуваат за 1,50 денар/литар. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ1), се намалуваат за 0,50 денар/литар. Малопродажната цена на мазутот М-1 НС се намалува за 0,370 ден/кг.
Највисоките малопродажни цени на нафтените деривати и горива за транспорт, изнесуваат:
– Моторен бензин – ЕУРОСУПЕР БС – 95 – 60,00 (денари/литар)
– Моторен бензин – ЕУРОСУПЕР БС – 98 – 62,00 (денари/литар)
– Дизел гориво – ЕУРОДИЗЕЛ БС (Д-Е V) – 53,00 (денари/литар)
– Масло за горење – Екстра лесно 1 (ЕЛ-1) – 52,50 (денари/литар)
– Мазут М-1 НС – 26,215 (денари/килограм)