Една жена од Токио е уапсена во вторникот под сомнение дека ја оставила својата тригодишна ќерка сама во куќата повеќе од една недела и заминала со својот љубовник, поради што девојчето починало од глад, објави полицијата.
Саки Какехаши (24) го признала делото, изјавила полицијата, додавајќи дека се верува дека таа редовно ја запоставувала и ја злоставувала својата ќерка Ноа.
Пријателката на Кекеши потврдила дека таа честопати ја напуштала куќата на неколку дена или се враќала доцна во ноќта, оставајќи ја ќерка и без надзор.
Резултатите од обдукцијата покажуваат дека Ноа починал од тешка дехидрираност и глад, пренесува „Којодо“.
Се сомнева дека нејзината мајка ја оставила сама осум дена на почетокот на јуни, со цел да го посети момчето кое живее во префектурата Кагошима.
Какеши им рекла на иследниците дека не очекувала Ноа да умре и дека верува оти е „добро“ да ја остави сама во станот, каде што живееле сами по разводот во 2017. година.
Таа повикала брза помош кога се вратила од патувањето на 13. јуни, а Ное е прогласена мртва во болницата.
Девојчето исто така имало осип затоа што нејзината пелена очигледно не била променета долго време, а во станот била пронајдена голема количина расфрлано ѓубре.
За време на доброволното сослушување пред да биде уапсена, Какеши рекла дека Ное се разболела неколку дена пред нејзината смрт, но дека немала пари да ја однесе на лекар.
