2.000 лица прославувајќи на маса долга половина километар преку Влтава на стариот Карлов мост во Прага, Чесите синоќа со песна и танц го слават симболичното збогум на коронавирусот и ограничувања поради пандемијата, кои ќе останат делумно само во локалното жариште во рударскиот регион околу Карвина.
Жителите на Прага и туристите можеа да седат на масата од 18 до 22 часот, под услов да донесат храна и пијалоци, но заради голем интерес, тие мораа да се регистрираат однапред, преку Интернет, а само неколку места им беа оставени на минувачите.
Прославата беше организирана по повод крајот на рестриктивните мерки поради COVID19 кои траеа подолго од три и пол месеци.
Организацијата на настанот ја помогнала и општината Прага, на чија територија се наоѓа античкиот мост, а беше поддржана како манифестација на обновување на довербата кај народот од страна на градот Прага и градоначалникот Зденејк Хџиб.
“Одливот на туристи од Прага сега има позитивен ефект, така што градот повторно ѝ служи на првобитната намена – така што жителите на градот поминуваат време заедно во него. Во главната туристичка сезона, вакво нешто би било практично невозможно”, рече градоначалникот.
