Бројот на невработени во САД се зголеми повторно за скоро 1,5 милиони минатата недела, сигнализирајќи ќор-сокак во закрепнувањето на пазарот на трудот паралелно со честите случаи на инфекција со коронавирусот.
Минатата недела вкупно 1,48 милиони Американци аплицираа за бенефиции за невработеност, одржувајќи го нивниот број близу 1,5 милиони веќе трета недела по ред.
Трета недела по ред бројките се околу 1,5 милиони американци, што е далеку помалку од врвот на корона кризата кон средината на март, кога повеќе од шест милиони Американци бараа обесштетување. Сепак, тие сигнализираат ќор-сокак за закрепнување на пазарот на трудот.
Коронавирусот предизвика големи нарушувања во економијата, принудувајќи ги властите да ги прекинат економските активности и да го ограничат движењето на граѓаните за да го ограничат ширењето на вирусот.
Новите податоци за бројот на заразени во САД се мешани, така што поранешното жариште на Њујорк континуирано забележува мал број на нови случаи и полека ги укинува ограничувањата, додека федералните земји како Флорида, Тексас и Аризона по брзото ослободување од рестрикциите забележаа раст на нови инфицирани
Министерство за трговија ја потврди проценката дека американската економија падна за пет проценти во првиот квартал споредено со истиот период лани.
Зголемената проценка на инвестициите во комерцијални недвижности се надомести со намалената проценка на лична потрошувачка, извоз и инвестиции во залихи, се вели во извештајот на Министерството за трговија.
