Српска напредна партија на претседателот на Србија, Александар Вучиќ, освои 63 отсто од гласовите на изборите, според нецелосно сработени податоци.
Вучиќ рече дека неделава ќе му биде „многу тешка“, започнувајќи со очекуваното пристигнување на специјалниот претставник на ЕУ за дијалогот Србија-Косово, Мирослав Лајчак, во Белград на 22 јуни.
Следниот ден ќе престојува во Москва. „Тогаш не знам дали ќе одам во Брисел или Вашингтон, потоа во Словенија“, рече Вучиќ, откако прогласи победа за својата владејачка партија на изборите кои минаа со бојкот на дел од опозицијата и загриженост за коронавирусот.
Изборните проекции покажаа дека социјалистичката партија има околу 10,6 проценти, десничарската српска патриотска алијанса е на трето место со околу 4 проценти од гласовите. Другите групации не успеаја да го достигнат минималниот праг за да добијат места во законодавниот дом од 250 места.
