Поради ниските температури и честите врнежи од дожд се прават дополнителни резерви на облека, ќебиња и храна што е потребна во вториот по големина албански град Драч, по катастрофалниот земјотрес во вторникот.
Локалното училиште се користи како центар за дистрибуција.
Бројот на луѓе за кои се знае дека се загинати, изнесува 49.
Имаше повеќе од 600 земјотреси од првичниот земјотрес, кој беше со јачина од 6,4 степени.
Многу куќи се небезбедни за живеење по земјотресите. Волонтерите велат дека има најитната потреба за облека и ќебиња.
Се верува дека најмалку една жена е заглавена во урнатините, но нема индиции дали е мртва или жива.
Тимовите за пребарување од Србија, Црна Гора и Македонија беа заменети со швајцарската, француската и италијанската екипа попладнето, но потрагата беше прекината вчера вечерта пред да се продолжи одново во саботатденес наутро.
Албанскиот премиер Еди Рама рече дека 25 лица загинале во Драч, 23 во северниот град Тумане и еден во градот Лац.
Земјотресот оштети повеќе од 700 куќи во Драч, уништи уште 12 и остави скоро 200 станбени згради со пукнатини, рече тој.
Рама ја продолжи 30-дневната вонредна состојба во Драч, Тумане и во Лац. Подоцна Рама рече дека вонредната состојба ќе го вклучи и северниот град Леже.
Повеќе од 5.000 луѓе останаа без покрив над главата од земјотресот, рече Рама. Тие се сместени во хотели, училишта, спортски сали и други привремени сместувања, како што се шатори.
