Британската кралица Елизабета Втора би можела да го напушти престолот и да му го предаде на својот син Чарлс во следната година и половина. За тоа пишува „The Sun“ од сопствени извори блиски до палатата.
Планирано е кралицата да го напушти британскиот престол за нејзиниот 95-ти роденден, кој ќе биде за 18 месеци. Извори велат дека таа веќе започнала неформално да ги пренесува своите овластувања на нејзиниот син.
Ова може да се види од фактот дека Чарлс, а не таа, присуствува на повеќе настани. Иако кралицата сè уште има некои приеми, таа го намали нивниот интензитет, престојувајќи почесто во замокот Виндзор. Според публикацијата, во 2018 година присуствувала на 282 настани, а во 2016 година – 332, а Чарлс посетил-507 настани.
„Плановите да го направат Чарлс крал продолжуваат веќе некое време. Транзицијата е веќе во тек “, рече изворот.
Сепак, нема официјално соопштение за трансферот на престолот.
Вреди да се напомене дека Елизабета Втора е кралица на Велика Британија од 1952 година
