Европската унија ги прошири постојните санкции наметнати на режимот на сирискиот претседател Башар ал Асад.
Европскиот совет објави дека осум претприемачи и две компании се наведени како субјекти од Сирија кои се санкционирани .
Во соопштението се вели дека тие биле физички и правни лица кои изведуваат различни проекти на имотот на раселените Сиријци и даваат директна финансиска поддршка за режимот на Асад.
Европската унија во моментот има 277 физички лица и 71 правно лице на списокот на санкционирани од Сирија.
На сите им е забрането влегување и замрзнат им е имотот насекаде во ЕУ.
Санкциите на ЕУ за режимот на Асад вклучуваат ограничувања на инвестициите, забрана за увоз во Сирија на целата опрема и технологија што може да се користи за воени цели и ембарго за увоз и извоз на нафта.
